Listaverkefnið „Ferskir Vindar í Garði“ er á fullum krafti og mikið um að vera. Listamennirnir vinna mikið í Áhaldahúsinu og samkomuhúsinu og síðan víða um bæinn á meðan skólarnir eru ekki starfandi.

Við viljum hvetja bæjarbúa til að líta við bæði í Samkomuhúsinu og eins Áhaldahúsinu og sjá hvað er í gangi, það eru allir hjartanlega velkomnir.

Á fimmtudagskvöldið kl. 21:30 verður kvöldvaka í Samkomuhúsinu með erlendu listamönnunum, Árna Johnsen og Hermanni Inga Hermansyni. Tekin verður létt lota að hætti Árna og íbúar í Garði og nágrannasveitarfélögum eru hvattir til að koma og taka þátt í kvöldvökunni og sjá hvað listamennirnir eru að fást við.

Enginn aðgangseyrir er að kvöldvökunni